Ingimar Eggertsson

Kærir Skaupið meðal annars fyrir kynferðisbrot

Ástþór Magnússon hefur kært Pál Magnússon til lögreglu vegna síðasta Áramótaskaups auk þess sem hann hefur kvartað til Fjölmiðlanefndar og óskað eftir því að hún taki málið upp. Þá vill hann meina að skaupið hafi brotið lög um kynferðisafbrot auk nokkurra annarra kafla almennra hegningarlaga.

Þetta kemur fram í tilkynningu frá Ástþóri, en sjálfur var hann skotspónn spaugaranna í Áramótaskaupinu, en hann sást yfirleitt í jólasveinabúning í hinu meinta ólöglega glensi.

Í tilkynningu Ástþórs segir meðal annars:

„Í áramótaskaupi RÚV 31. desember var nauðgurum gert hátt undir höfði og þeim kennt að kaupa tjald yfir glæpi sína. Ofbeldi lyft hæðum hærra og áhorfendum kennt að bregðast við þjóðfélagsgagnrýni með hnefaskaki. Beinlínis var sýnt hvernig slá skal niður mann og lagt til að skjóta annan með haglabyssu. Þá var forseti þjóðarinnar sýndur sem ofbeldisseggur og klappað fyrir. Aldraðir og öryrkjar voru svívirtir. Lög og regluverðir lítilsvirtir. Fjöldamorð sýnt sem eðlilegur verknaður í baráttu um peningavöld. Blaðið sem heldur úti sora Íslenskrar blaðamennsku og tungu fékk reglubundin auglýsingainnskot."

Þá segir Ástþór að RÚV hafi algerlega brugðist hlutverki sínu og ýti nú undir, með Skaupinu, að hér rísi ofbeldisþjóðfélag í stað þess að standa vörð um Íslenska friðarmenningu eins og það er orðað í tilkynningu frá Ástþóri.

Þá skorar Ástþór að lokum á Fjölmiðlanefndina að taka málið til efnislegrar umfjöllunar. Þá heldur Ástþór því fram að með sýningu á Skaupinu hafi eftirfarandi kaflar almennra hegningarlaga verið brotnir: Brot á almannafriði og allsherjarreglu. Brot, sem hafa í för með sér almannahættu. Lög um kynferðisbrot og að lokum ærumeiðingar og brot gegn friðhelgi einkalífs.

Hér fyrir neðan er svo tilkynningin í heild sinni:

Friður 2000 hefur um árabil vakið athygli á hættum sem að börnum getur stafað frá ofbeldisefni í fjölmiðlum. Fjölmargar rannsóknir hafa sýnt að ofbeldi í fjölmiðlum eykur hættu á ofbeldi í samfélaginu.

Samkvæmt lögum og reglum um starfsemi RÚV ber ríkisfjölmiðlunum skylda að standa vörð um Íslenska tungu og menningu. Lögin eru reglulega brotin af RÚV og mjög gróflega s.l. gamlárskvöld með áramótaskaupi sem fór út yfir öll landamæri friðar og velsæmis. Með útsendingunni braut RÚV m.a. 1.gr laga um Ríkisútvarpið og 27gr. Fjölmiðlalaga auk fleiri greina almennra hegningarlaga.

Í áramótaskaupi RÚV 31. desember var nauðgurum gert hátt undir höfði og þeim kennt að kaupa tjald yfir glæpi sína. Ofbeldi lyft hæðum hærra og áhorfendum kennt að bregðast við þjóðfélagsgagnrýni með hnefaskaki. Beinlínis var sýnt hvernig slá skal niður mann og lagt til að skjóta annan með haglabyssu. Þá var forseti þjóðarinnar sýndur sem ofbeldisseggur og klappað fyrir. Aldraðir og öryrkjar voru svívirtir. Lög og regluverðir lítisvirtir. Fjöldamorð sýnt sem eðlilegur verknaður í baráttu um peningavöld. Blaðið sem heldur úti sora Íslenskrar blaðamennsku og tungu fékk reglubundin auglýsingainnskot.

Viljum við Íslendingar samfélag ofbeldis þar sem skólabörn eru murkuð niður af fjöldamorðingjum. Þar sem tugir þúsunda manns er limlest og drepið af tilefnislausu á almannafæri á hverju ári. Slíkt samfélag er nú að finna í uppsprettu ofbeldismyndanna, í bandaríkjunum. Í Chicago jókst ofbeldið um 50% á liðnu ári. Í þessari einu borg voru 532 drepnir og tugir þúsunda sárir þetta árið. Ofbeldið er orðið svo samofið samfélaginu að á síðustu tíu árum hefur helmingi fleira fólk verið drepið í götum Chicago en bandarískir hermenn í Afghanistan á sama tíma. Tugir manns eru drepnir í bandaríkjunum á hverjum einasta degi og þykir varla fréttnæmt lengur. Ekki er liðinn mánuður frá þjóðarsorg vegna fjöldamorðs vestan við okkur, en þar eru að meðaltali um tuttugu fjöldamorð á hverju ári. Austan okkar eru nokkrar vikur síðan hjúkrunarkona framdi sjálfsmorð eftir aðför ósmekklegra fjölmiðlaskrípa. Viljum við stýra Íslensku friðarsamfélagi í þessi spor?

Friður 2000 hefur fylgst með þessari þróun um árabil. Við framleiddum og afhentum RÚV fyrir mörgum árum Íslenskar stuttmyndir gegn ofbeldi og báðum um að þær yrðu sýndar á undan kvikmyndum og þáttum sem innihalda ofbeldi. Eftir nokkrar birtingar tók RÚV þær úr birtingu og í tíð Páls Magnússonar sem útvarpsstjóra virðist fjölmiðilinn ekki sjá sér fært að birta slíkar upplýsingar til verndar Íslenskum börnum. Engin slíkt viðvörun var birt á undan orðljótu, klámfengnu og ofbeldishneygðu áramótaskaupi sem átti ekkert erindi inná fjölskylduskemmtun. Við höfum hingað til getað skemmt okkur yfir grínþáttum án slíks viðbjóðs sem hér var troðið ofaní þjóðina.

Í kjölfar þess sem nú hefur gerst hjá RÚV um þessi áramót er nauðsynlegt að stokka upp hjá ríkisfjölmiðlunum. RÚV hefur algerlega brugðist hlutverki sínu og ýtir nú undir að hér rísi ofbeldisþjóðfélag í stað þess að standa vörð um Íslenska friðarmenningu. Núverandi stjórnendur verða að víkja sjálviljugir eða með valdboði. Hér með er skorað á Fjölmiðlanefnd að taka þetta mál til umfjöllunar. Skorað er á Pál Magnússon og aðra sem hafa komið að birtingu þessa efnis hjá RÚV að taka pokann sinn. Þá er athæfið hér með kært til Lögreglustjórans í Reykjavík sem brot á almennum hegningarlögum m.a. kafla XIII, XVIII, XXII, XXV og vakin athygli á því að við brotunum er fangelsisvist.

Af www.visir.is Þetta er bara Ástþór!!!

Skrár tengdar þessari bloggfærslu: